-- ADVERTISEMENT --

Nagpakigbahin sang ila mga inspirasyon kag adbokasiya ang ikaduha nga  batch sang mga kandidata sang Mutya sang Roxas City 2026.

Ini ang patigayunon sa Nobyembre 29, 2026 sa Dinggoy Roxas Civic Center.

Sa interview sang Bombo Radyo kay  Kristyl Ann Distor sang Barangay Adlawan, iya ginpahayag nga kinahanglan sang tagsa-tagsa ang equal access sa mga opportunities sa komunidad.

Suno kay Distor, bilang isa ka political science student, makabulig ini sa iya nga mangin isa ka inspirasyon

Pahayag naman ni Jade Nicole Baculinao sang Barangay Barangay IX, nga ang suporta sang iya pamilya ang ginapanghawiran sini agud nga magpadayon para sa tanan sini nga ginahimo.

-- ADVERTISEMENT --

Kag sa sini nga pageant, nagapasalamat gid ini sa wala sang liwan nga suporta sini sa iya nga preparasyon.

Ikatatlo naman nga beses ni Athena Queen Vito Cruz sang Barangay Barra ang pag-intra sa pageant apang sa gihapon sang tion nga may yara ini sang tion nga nagapagpangduha-duha kag kun kaisa indi malikawan nga ikumpara ang kaugalingon sini sa iban.

Apang suno sa iya, ang pinakaimportante ang kung paano i-present ang kaugalingon kag ihatag ang best sa tanan nga bagay nga ginahimo.

Ginpakigbahin naman ni Syncheh Gardose sang Barangay Lonoy ang kabudlayan sini bilang isa ka Physical Education Student nga nagahatag sa iya sang dugang nga inspirasyon agud nga magpadayon.

Pahayag pa niya, ini nga mga eksperyensiya nagahatag sa iya sang rason agud nga pamatud-an nga indi lang nagatapos sa saot ang iya ihibaalo kundi may yara man sa pagtudlo kag pagbulig sa isigkatawo.

Ang pagpabaskog sang suporta sa patag sang musika sa probinsya amo ang luyag Alyza Hermenegildo sang Barangay Milibili bilang ang iya sini nga inspirasyon amo ang national artist for music nga gikan man sa Capiz nga si Jovita Fuentes.

Paagi sini, mahatagan sang platform ang mga kabataan nga luyag ipasundayag ang ila nga abilidad sa pagkanta.

Suno naman kay Maria Gabriella Francesca Bilgera sang Barangay Baybay, kinahanglan nga mentally prepared ang isa ka kandidata sa iya sini nga pag-intra sa isa ka pageant.

Bilang isa ka journalist, magamit sini ang iya nga platform sa pagtudlo agud nga mangin inspirasyon sa pagtudlo nga mangin responsible sa social media.