-- ADVERTISEMENT --

Pilason ang isa ka lalaki matapos ginbuno sa Sitio Proper Barangay Dumolog, Roxas City, Capiz.

Ang biktima amo si alyas Ariel, 33 anyos kag ang ginakabig suspek amo si alyas Arman nga lunsay residente man sa lugar.


Sa interview sang Bombo Radyo kay Police Lieutenant Colonel Rogelio Tomagtang Jr., Chief of Police Sang Roxas Component City Police Station, iya ginpahayag nga nagatindog ang biktima sa kilid sang dalan sang gintawag ini sang suspek kag sang nagpalapit ang biktima, gulpi ini nga ginbuno sang suspek sa wala nga bahin sang iya dughan kag gilayon nga nagpalagyo.

Gintinguhaan pa sang biktima nga lagson ang suspek apang wala niya ini maabtan, gani nagpangayo ini sang bulig sa iya pamilya kag gindala sa pinakamalapit nga ospital para sa nagakaigo nga pagbulong.

Pahayag pa sini, daan nga dumot ang ginasuspetsahan nga motibo sa krimen.

-- ADVERTISEMENT --

Sa subong, nagahanda na ang mga otoridad sang mga kinahanglanon nga dokumento para sa pagpasaka sang nagakaigo nga kaso batok sa suspek.