-- ADVERTISEMENT --

Ginpaathag sang isa ka legal expert ang pag-angkon sang ihibalo sa kinamatarong sang nurse kag mga pasyente ang ila tagsa ka agud masiguro ang patas, luwas kag dekalidad nga paghatag sang serbisyo medikal sa mga ospital kag iban pa nga health facilities.


Sa interview sang Bombo Radyo kay Atty. Roberto A. Cordenillo III sang Integrated Bar of the Philippines-Capiz Chapter, iya ginpahayag nga may yara sang nagkalain-lain nga mga probisyon ang Republic Act No. 9173 ukon ang Philippine Nursing Act of 2002, nga nagatuyo sa pagproteher kag pagpauswag sang propesyon sang nursing sa Pilipinas.

Sa idalom sang nasambit nga kasuguan, ginakilala ang importante nga papel sang mga registered nurse sa paghatag sang nursing care, , paglikaw sa balatian kag pagbulig sa mga pasyente sa ila pagpaayo.

May obligasyon man ang mga nurse nga sundon ang Code of Ethics kag mga standard sang luwas kag husto nga pagpraktis sang ila propesyon.

Samtang, may yara man sang mga kinamatarong ang mga pasyente nga dapat respetuhon samtang nagabaton sang serbisyo medikal.

-- ADVERTISEMENT --

Dugang pa sang natungdan, importante nga mahangpan nga may yara sang responsibilidad ang mga pasyente nga maghatag sang matuod nga impormasyon tuhoy sa ila medical history, magsunod sa nagakaigo nga mga patakaran sang health facility kag magrespeto sa mga health workers nga nagaatipan sa ila.

Dugang pa sang natungdan, ang paglapas sa kinamatarong sang nurse ukon pasyente mahimo magresulta sa administratibo ukon legal nga responsibilidad, depende sa kinaiya sang paglapas kag sa nagakaigo nga kasuguan.