ROXAS CITY – Patay ang backrider samtang pilason ang driver sang motorsiklo matapos magbunggo sa railings sa kilid sang karsada sa Barangay Tabuc Sur, Panit-an.
Nag-angkon sang patal nga pilas sa ulo kag lawas ang napatay nga si Georgette Talabucon 18-anyos sang Barangay Lawaan, Roxas City samtang padayun nga ginabulong sa ospital ang 23-anyos nga driver sang motorsiklo nga si Rex Corros sang Barangay Dinginan, Roxas City.
Sa inisyal nga imbestigasyon sang pulisya nagaguwa nga gikan sa banwa sang Panit-an ang mga biktima kag nagapauli na sang nakabunggo ang motorsiklo sa railings sa kilid sang karsada kag nagtabog ang duha bangud sa impact sang pagkabunggo.
Gilayon nga gindala sa ospital ang mga biktima, apang gindeklara nga dead on arrival si Talabucon.
