-- ADVERTISEMENT --
ROXAS CITY – Dead on arrival sa ospital ang 24-anyos nga lalaki samtang pilason ang kaupod matapos ginbuno sang wala pa makilala nga mga suspek sa sulod sang isa ka internet cafe sa Mabini St., Roxas City.
Nakilala ang napatay nga si John Rey Villaron samtang ginabulong sa ospital ang abyan nga si Renzo Niel Dela Cruz, 20-anyos.
Hubog ang grupo sang mga suspek nga nagsulod sa internet cafe kag may nakaaway nga iban nga grupo apang nadalahig lamang sa kinagamo ang mga biktima.
Nag-angkon sang pilas sa dughan si Villaron samtang buno sa kili kili naman ang naangkon ni dela Cruz nga ginabulong sa ospital.
Yara na sa kostodiya sang pulisya ang duha ka mga suspek nga ginapatihan responsable sa krimen.
-- ADVERTISEMENT --
