ROXAS CITY – Isa ang patay apat ang pilason matapos nga masangit sang dump truck ang tricycle sa Barangay Agkilo, banwa sang Panit-an, Capiz.
Dead on the spot ang biktima nga si Gina Felipe sang President Roxas, Capiz, samtang ginabulong sa ospital bangud sa naangkon nga mga pilas sa lawas ang apat pa ka mga pasahero sang tricycle nga sanday Teresita Bayes sang President Roxas, Capiz, Gina Barredo, Joan Derramas ng Barangay Agluway, Panit-an kag ang driver sang tricycle na si Bonifacio Dacles Jr., 50-anyos sang Barangay Tincupon, Panit-an.
Sa interview sang Bombo Radyo Roxas kay PO2 Francisco Mario Balasa, imbestigador sang Panit-an PNP, nagaguwa sa imbestigasyon nga hinali nagpreno ang driver sang dump truck nga ginapanag-iyahan sang Silver Dragon nga si Gildo Villegas sang Bacolod City bangud sa pagpondo sang isa ka salakyan.
Bangud sa insedente nadulaan sang kontrol ang dump truck kag aksidente nga nasangit ang nasugata nga tricycle.
Yara karon sa kostodiya sang Panit-an PNP ang driver nga si Villegas.
