-- ADVERTISEMENT --
ROXAS CITY – Patay ang driver ng delivery van habang sugatan ang driver ng 10 wheeler truck matapos nagbanggaan sa Barangay Manhoy, Dao, Capiz.
Naputol ang paa ng napatay na si Benjie Tabaquirao matapos naipit sa nawasak na sasakyan, habang ginagamot sa ospital ang driver ng 10-wheeler truck driver na si Rolando Pimentel ng Poblacion, Sigma, Capiz, dahil sa natamong sugat sa katawan.
Base sa inisyal na imbestigasyon ng Dao-Philippine National Police, nang-agaw ng linya sa kalsada si Tabaquirao at kahit nakapagpreno si Pimentel, nagsalpukan pa rin ang dalawang sasakyan.
Samantala, hindi agad nakita ang putol na paa ng driver ng delivery van dahil sa pagkawasak ng naturang sasakyan.
