ROXAS CITY – Nagpalayag na ang isa sa tatlo ka mga seafarer nga gikan sa pungsod Egypt kag Dubai nga nakasulod sa probinsiya sang Capiz sa pihak sang hugot nga border security nga ginapatuman sa Capiz-Iloilo border sa Barangay Aglalana, Dumarao, Capiz kagab-i.
Sa exclusive interview sang Bombo Radyo Roxas kay Mr. Nixon Conte 51-anyos sang Barangay Bato, Panay, ginpahayag sini nga naghatag na ini sang iya bahin agud matinluan ang iya pangalan batuk sa mga netizens nga gilayon sila ginhusharan sang iya mga kaupdanan nga wala nahibaluan ang matood nga natabo.
Gin-ako ni Conte nga galing sila sa Egypt kag nag-agi sa Dubai apang wala nag-agi sa Manila bangud sa lockdown.
Nagsakay sila sa Cebu padulong sa Bacolod tobtob bakasakay sa Roro bus padulong sa Dumangas port kag Iloilo kag nag-commute pauli na sa Roxas City.
Nagpanindugan si Conte nga nag-agi sila sa mga checkpoint kag nagfill-up sang health declaration form kag thermal scanning.
Suno pa sa seafarer nga nakig-angut na sa iya ang mga opisyales sang barangay kag mga health workers kag ginpasiguro nga pagasundon ang tanan nga patakaran kasubong na lamang sang pagself quarantine kag social distancing sa iya mga anak kag asawa.
Ginpahayag pa ni Conte nga wala pa ini nakapauli nahibaluan na sini ang pagahimoon pag-abot sa ila balay bangud nurse ang iya nga asawa.
