ROXAS CITY – Totally burned ang isa ka puluy-an samtang partially damaged naman ang isa matapos ang nagluntad nga sunog sa Barangay Da-an Banwa, Tapaz, Capiz.
Sa impormasyon nga nagikan sa Bureau of Fire Protection (BFP) Tapaz, ginpahayag nga nagsugod ang sunog sa puluy-an ni Roseline Jimenez, 42-anyos kung sa diin human sa light materials, kag naglapta ang kalayo sa balay ni Mark Getiayon nga human naman sa mix concrete and light materials ang iya puluy-an.
Bangud sa natabo madasig nga ginrespondihan sang katapo sang BFP Tapaz ang sunog apang sa ila nga pag-abot sa lugar, nagadaba-daba na ang kalayo.
Gintinguhaan pa sang mga ini nga mapalong ang kalayo apang bangud madasig nga maglapta ang kalayo wala na masalbar ang balay ni Jimenez kung sa diin naubos tupok bangud sa nasambit nga sunog.
Sa karon, padayun pa nga gina-imbestigaran sang Tapaz Municipal Fire Station kun ano ang gintunaan sang sunog.
