PANAY CAPIZ – Dakop ang 10 tanan ka mga indibidwal matapos nagapatigayon sang illegal nga pagpangisda sa sa kalalawran nga sakop sang Panay, Capiz .
Ginkilala ang mga nagkaladakpan nga sanday Alber Barlas, 48-anyos, Boat Captain kag mga crew sini nga sanday Pepoy Barlas, 24-anyos, Niño Alvarado, 31-anyos, Edgar Tagana, 45-anyos, Reggie Alvares, 22-anyos, Robert Candelario, 30-anyos, Gabbie Obligar, 28-anyos, Boyeng Gabea, 55-anyos, Crisanto Pinsaran, 60-anyos, Rennie Ladesora, 39-anyos lunsay mga residente sang Barangay Culasi, Roxas City.
Sa impormasyon nga nakuha sang Bombo Radyo nagikan sa Panay Municipal Police Station ginpahayag nga dakop sa akto ang mga nasambit nga persona nga nagapatigayon sang illegal nga aktibidad ukon (” PALUPAD”).
Nakuha sa mga nagkaldakpan ang (1) unit pump boat nga nagabalor P200,000.00, (1) unit Bio Diesel Engine nagabalor P30,000.00, lambat nga nagabalor sang P200,000.00 kag mas o menus 100 kilos sang nagkalain-lain nga mga isda nga may market value P20,000.00.
Ginlapas sang mga ini ang Municipal Ordinance No. 03-02 (Municipal Fishery Code), Series of 2003.
Sa karun, yara na sa paghinakop sang MENRO-LGU Panay ang mga nakuha nga kagamitan para sa nagakaigo nga disposisyon.
