ROXAS CITY – Pilason ang 10 ka tuig nga babayi matapos aksidente nga nabungguan sang salakyan sa Barangay Agcabugao, Cuartero, Capiz.
Ang wala na ginhingadlan nga biktima ang residente man sang nasambit nga barangay.
Samtang ang driver sang salakyan ang ginkilala kay R-Jay Ballera 22-anyos kag residente sang Calinog, Iloilo.
Sandig sa imbestigasyon sang Cuartero Municipal Police Station,
nga nagtabok sa dalan ang biktima kaupod ang iya abyan samtang madasig naman ang pagmaneho ni Ballera sa salakyan kag wala ini nakabusina bangud guba ang serbato sini.
Nag-angkon sang kapilasan sa magkatuhay nga parte sang kalawasan ang biktima nga gilayon man ginpadangat sa Dao District Hospital para sa nagakaigo nga pagbulong.
Nahibaluan nga nag-settle na ang pamilya sang biktima kag ang driver sang salakyan kun sa diin pagasabton sini ang balayran sa ospital.
