ROXAS CITY – Patay ang 11-anyos nga babaye matapos nga gin-utas ang kaugalingon nga kabuhi sa Barangay Sta. Fe, banwa sang Pilar.
Ang wala na ginhingadlan nga biktima ang residente sang nasambit nga lugar.
Sandig sa imbestigasyon ni PCpl. Jaypee Tomogda, imbestigador sang Pilar MPS, nga nasapwan na gid lamang sang iya lola ang menor de edad nga nagabitay sa sulod sang ila balay takna 2:00 sang hapon.
Ginapahayag nga naglakat ang utod sang biktima kag lola sini sa Brgy. Casanayan apang tuman na lamang ang kakibot sa ila nga nasaksihan.
Ginpadangat pa ini sa Pilar Rural Health Unit apang gindeklarar nga dead on arrival.
Samtang, palaligban naman sa pamilya kun ano ang gintunaan sang pag-utas sang kaugalingon nga kabuhi sang biktima.
Sa karon, yara na ang bangkay sini sa isa ka punerya.
