NIGERIA – Arestado ang 15 ka mga foreign nationals , lunsay Asians — bangud sa “cyber-terrorism” kag “internet fraud.”
Suno kay Economic and Financial Crimes Commission (EFCC) spokesman Dele Oyewale, 11 ka mga Filipinos, duha ka Chinese, isa ka Malaysian kag isa ka Indonesian ang ginsentensyahan sang isa ka tuig nga pagkapreso kag multa nga one million naira ukon masobra P35,000 matapos nag-ako nga guilty.
Sila ang gin-akusaran sang pag-recruit sang mga Nigerians nga lunsay kabataan bangud sa “identity theft.”
Nagmandu man ang judges nga ang mga na-recover nga devices ang i-surrender sa federal government of Nigeria.
Nahibaluan nga ang Nigeria nga isa sa mga pungsod nga may madako nga populasyon, ang nakadevelop sang reputasyon bangud sa internet fraudsters ukon mas kilala nga “Yahoo Boys.”
