ROXAS CITY – Ginakabig nga ‘asymptomatic’ case ukon wala nakitaan sang anuman nga sintomas ang 11 ka bulan nga lapsag nga nag-positibo sa coronavirus disease (COVID-19) sa banwa sang Pontevedra, Capiz.
Suno kay Punong Barangay Ramon Dunton sang Barangay Jolongajog sang nasambit nga banwa, Hulyo 18 sang nag-abot ang lapsag sa probinsiya kaupod ang iya iloy, amay kag tatlo ka tuig nga magulang.
Gikan ang magpamilya sa Taguig City, Manila kag nag-abot sa Caticlan sakay sa 2GO vessel kag gilayon nga ginpaidalom sa real-time polymerase chain reaction (RT-PCR) test apang una nga nagguwa ang resulta sang lapsag nga nagguwa nga positibo sa amo nga sakit.
Kasunod sang pagpositibo sang amo nga lapsag, ginsugat ini sa barangay quarantine facility sang Barangay Jolongajog kag gin-isolate kaupod ang iloy kag utod sa Pontevedra National High School nga amo ang quarantine facility sang banwa.
