Nagpaguwa sang bag-o nga programa ang Pag-IBIG Fund kun sa diin gintawag ini nga 1+1 Raffle Promo.
Sa ginhiwat nga Employers’ and Fund Coordinators’ Forum 2024 Year End Assembly sang ahensya sa isa ka resort sa syudad sang Roxas, gin-anunsyo ni Mr. Rolando E. Gilo – Branch Head sang Pag-IBIG Fund-Roxas, ang ila bag-o nga programa kun sa diin tinutuyo sini nga mapasulod ukon marehistro sa ahensya ang indi pa miyembro sini.
Dugang pa sini nga ang amo nga programa bukas para sa tanan nga may luyag magpasakop sa nasambit nga programa.
Mahibaluan nga magapaguwa sang guidelines kag iban pa nga promo mechanics ang ahensya sa mga masunod nga mga inadlaw kag magatakup ang amu nga raffle program sa Disyembre 30, 2025.
Samtang, mahimo naman nga makabaton sang cash prizes ang maswerte nga mabunutan sa pa-raffle kag may yara sang kantidad nga pagabatunon nga nagabalor sa kapin ₱500,000 ang maswerte nga mabunutan sa grand draw.
