Naglab-ot na sa 118 ka mga Pinoy nga biktima sang human trafficking ang na-rescue sa mga scam hub sa Southeast Asia.
Suno sa pamunuan sang Department of Foreign Affairs, nagahulat lang sila nga makapauli sa pungsod sa bulig sang gobyerno sang Pilipinas.
Gin-athag sang ahensya nga handa sila pirme nga maghatag sang repatriation assistance sa mga Filipino victims.
Padayon man nga nagapakig-angut ang ahensya sa mga otoridad sa mga pungsod sa diin na-rescue ang mga Pinoy.
Sa amo nga numero, anum ka mga Pilipino ang nagikan sa Cambodia, 75 ang nagikan sa Myanmar, 7 ang nagikan sa Laos, kag 30 ang nagikan sa Thailand.
14 naman gikan sa 75 ka mga Pinoy nga na-rescue sa Myanmar ang yara na sa proseso sang pagsaylo.
Padayon ang panawagan sang ahensya sa mga Pinoy abroad kag sa ila pamilya nga i-report sa ila kun may kilala sila nga na-trap sa mga scam hub agud mahatagan sila sang nagakaigo nga bulig.
