-- ADVERTISEMENT --
ROXAS CITY – Patay ang 12-anyos nga bata nga lalaki matapos nakuryente samtang nagapanulo sang damang sa Sitio Bangbang, Brgy. Cagay, Roxas City.
Ang wala na ginhingadlan nga menor de edad isa ka Grade 7 student nga residente man sang nasambitan nga lugar.
Sa interview sang Bombo Radyo kay Kagawad Isidro Aragon sang Brgy. Cagay, nagapanulo sang damang kag ayangkas ang biktima kaupod ang duwa sini ka abyan sa isa ka sangha apang aksidente nga nauyatan sang biktima ang nagalaylay nga kuryente nga may leakage.
Gilayon nga ginrespondehan sang mga BPAT ang lugar kag gindala ang biktima sa Roxas Memorial Hospital apang gindeklarar nga dead on arrival sang doktor.
