Nagdangat na sa 12 ka mga kabarangaya sa syudad sang Roxas ang naka-eksperyensya sa pagtaas sang lebel sang tubig bangud sa padayon nga pagbubo sang ulan nga dala sang bagyong Kristine.
Sandig sa situational report sang Roxas City Disaster Risk Reduction Management Office ang mga barangay nga naka-eksperyensya sang pagtaas sang lebel sang tubig amo ang mga masunod:
1. Brgy. Cogon (Sitio Kabulakan)
2. Brgy. Bago (Sitios Motto, Bangkeruhan & Sugod)
3. Brgy. Adlawan (Rice Field)
4. Brgy. Jumaguicjic (Rice Field)
5. Brgy. Banica (Sitio Carmel – Knee Level)
6. Brgy. Bolo (Sitio Dulonan – Rice Field)
7. Brgy. San Jose (Rice Field)
8. Brgy. Liong (Rice Field)
9. Brgy. Cabugao (Rice Field)
10.Brgy. Loctugan (Rice Field)
11. Brgy. Baybay (Sitio San Juan – Gutter Level)
12. Brgy. Dumulog (Sitio Proper – Knee Level)
Samtang, walo naman ka mga pamilya ang gin-evacuate nagikan sa Barangay Banica kag Dumulog sa sining syudad.
Sa datos nga ginpaguwa sang Roxas City Disaster Risk Reduction Management Office, 4 ka pamilya nga ginakabug-usan sang 15 tanan ka mga indibidwal ang nagikan sa Barangay Banica; samtang 4 man kapamilya ukon sa 10 ka mga indibidwal ang nagikan sa Barangay Dumulog.
Sa karon, padayon ang pagbantay kag pag-monitor sang Roxas City DRRMO sa sitwasyon sang palibot.
