Gin-abisuhan ang publiko nga indi safe kaunon ang mga shellfish nga makuha nagikan sa 12 ka baybayon sa pungsod matapos magpositibo sa makalalason nga red tide.
Suno sa ginpaguha nga latest shellfish bulletin sang Bureau of Fisheries and Aquatic Resources (BFAR), positibo sa toxic red tide ukon paralytic shellfish poison ang Dumanquillas Bay sa Zamboanga del Sur kag San Benito sa Surigao del Norte.
Kasubong man ang pila ka lugar sa Samar kalakip na ang Daram Island, Zumarraga Island, Irong-Irong Bay, Villareal Bay, Cambatutay Bay, kag Maqueda Bay.
Kalakip man ang Matarinao Bay sa Eastern Samar, Cancabato Bay sa Leyte, Puerto Bay sa Puerto Princesa City, Palawan kag Tungawan sa Zamboanga Sibugay.
Samtang, safe naman kaunon ang mga isda, pusit, hipon kag alimango sa nasambit nga mga lugar basta ini ang preska, nahugasa maayo kag nakuha ang hasang kag intestines.
