Ginhatagan pagtamod ni House Speaker Bojie Dy III ang importansya sang paghiliusa kag bag-o nga mga pagsugod sa iya mga pamulongpulong para sa selebrasyon sang Domingo sang Pagkabanhaw subong nga adlaw.
Sa iya mensahe nga “He is Risen!”, gintawag ni Dy ang okasyon nga simbolo sang kadalag-an sang kapawa batok sa kadulom kag sang kabuhi batok sa kamatayon.
“Isa ini ka adlaw sang nabag-o nga paglaum: isa ka pahanumdom nga may bag-o nga pagsugod para sa tanan,” Pahayag niya.
Suno kay Dy, dapat magserbe nga inspirasyon ang pagkabanhaw ni Kristo agud mapun-an sang pagtuo ang tagipusuon sang mga Pilipino kag maghiliusa ang pungsod bilang isa ka komunidad.
Ginhingyo man sang Speaker ang publiko nga padayon nga atubangon ang mga pagpanghangkat sang kabuhi nga may matuod nga pag-ulikid sa isigkatawo kag mabaskog nga paglaum sa palaabuton.
Ini nga mensahe ginpaguwa kadungan sang paghiliusa sang bug-os nga pungsod sa pagtapos sang pagdumdom sang Mahal na Araw kag sa masinadyahon nga pag-abi-abi sang Semana Santa.
