ROXAS CITY, CAPIZ– Nakabalhag sang 12 ka mga fire-related incidents ang talatapan sang Roxas City Fire Station sa sulod sang lima ka bulan, sumugod Enero tubtob Mayo sa sini nga tuig 2025.
Sa interview sang Bombo Radyo kay Senior Fire Officer 2 Reynold D. Agda, Substation Commander sang Lawaan Fire Substation, ginpahayag nga sandig sa datos nga napagkit, masami structural fire ang nagaluntad.
Dugang pa sini, may nagluntad man nga duha ka serye sang vehicular accident nga natabo sang tinalikdan nga bulan sang Pebrero kag Abril sa sini nga tuig.
Nahibalauan nga manubo ang kaso sang sunog sa subong tuig sa sulod sang lima ka bulan, ikumparar sa tinalikdan nga tuig 2024 kun sa diin may yara ini sang 37 ka mga kaso sang sunog.
Samtang, nagpahanumdum naman si Agda sa publiko nga pasiguruhon permi ang dapog, mga electrical connections kag likawan nga pahampangon sang kalayo ang mga kabataan bangud pila sa mga rason sang sunog ang mga ini.
