Nakuhaan na ang yara sa 12 ka mga himata sang mga nagkaladula nga mga manugbulang sang DNA samples.
Suno kay Philippine National Police (PNP) spokesperson Brig. Gen. Jean Fajardo, ginahulat na lamang ang opisyal nga resulta nga ipaguha sang Forensic group kun may nag-match nga posible nga human remains nga narekober nagikan sa Taal Lake sa samples gikan sa mga himata sang mga nagkaladula nga manugbulang.
Sa ti-on suno sa iya nga may mag-santo, magapabakod ini sa mga ebidensiya sa kaso nga matuod ginpangpatay ang 34 nga mga ‘missing sabungeros.’
Madumduman nga gin-umpisahan ang retrieval operations sa Taal Lake sang Huwebes sang tinalikdan nga semana, nga nagresulta sa pagkarekober sang indi magnubo sa lima ka sako, kalakip ang isa na naga-unod sang ginapatihan sunog nga lawas sang tawo.
Nadiskubre ini sang mga diver nagikan sa lakebed nga may 10 metro ang kalayuon halin sa baybayon sang Barangay Balakilong sa Laurel, Batangas.
Ginpatigayon sang PCG ang search and retrieval operations matapos ginbuyagyag sang isa sa mga suspek kag whistleblower nga si Julie Patidongan ukon alyas Totoy nga ginpanghaboy ang bangkay sang mga ginpatay nga manugbulang sa lawa.
