Nagpasalig ang Philippine Statistics Authority (PSA) nga i-deliver ang masobra 12 million nga national identification cards subong nga tuig.
Suno kay PSA Division Chief for Social Protection Use Cases Ma. Fides Wilma Marquez, ang 12 million cards ang magluwas pa sa 55 million cards nga na-deliver na kag sa na-issue na nga 49, 475, 605 paper-format IDs.
Pahayag niya, may yara pa sang 90, 488, 679 digital national IDs nga “ready for access.”
Sang namangkot si Senator Erwin Tulfo bilang panel head kun ngaa kinahanglan pa nga mag-issue sang paper national IDs, gintumod ni Marquez ang issue sa “printing.”
Ginpakamalaot ni Tulfo nga tubtob subong, mangin siya ang wala pa makabaton sang iya national ID card.
Nahibaluan nga tuig 2018 sang ginpirmahan kag nangin layi ang national ID system.
