PANAY CAPIZ – Igapanagtag sa mga pumuluyo sa banwa sang Panay ang 120,000 kls nga bugas bilang ayuda matapos madeklarar nga ipadalum sa state of calamity bangud sa El Nino.
Sa interview sang Bombo Radyo kay Mr. Jessie Baes Municipal Planning and Development Office (MPDO) sang banwa sang Panay, ginpahayag sini nga matapos gindeklarar sang Sanguniang Bayan nga ipaidalum ang banwa sang Panay sa State of Calamity ginpakamaayo sang akalde sang banwa nga si Mayor Vic Bermejo nga ang calamity fund ang ibakal sang bugas agud ihatag sa mga pumuluyo.
Suno kay Baes, naatrasar lamang ini bangud nag-expired ang Memorandum of Agreement (MOA) sang ila banwa kag National Food Authority (NFA) bangud sa bag-o nga polisiya ang ahensya kun sa diin wala na sang credit sales kundi cah basis na lamang.
Mahibaluan nga base sa datos nagikan sa Barangay Service Point Officers (BSPO) may yara sang 42 tanan ka mga barangay ang amu nga banwa ukon kabaylo sang 13,000 nga mga household.
Ginpahayag man ni Baes nga nakabakal ang sila sang 2,400 nga sako sang bugas ukon 120,000kls kun sa diin mahimo nga makabaton sang tig-9kls ang kada pamilya.
Natigayon nga marepack ang mga inughatag nga ayuda bangud sa bulig sang mga katapo sang Municipal Social Welfare and Development Officer (MSWDO), Municipal Disaster Risk Reduction And Management Office (MDRRMO), Bureau of Fire Protection (BFP), Philippine National Police (PNP), SK Federation, Barangay Pob. Ilaya officials, kag iban pa nga mga nag-volunteer.
Samtang, magapatigayon naman sang scheduled of releasing sa kada barangay sa tion nga maplastar na ang tanan.
