ROXAS CITY – Nag-abot na sa probinsiya sang Capiz ang dugang nga 121 ka mga locally stranded individuals (LSI’s) gikan sa Metro Manila.
Ang nasambit nga mga indibidwal ang sakay sang Cebu Pacific Plane nga naghugpa sa Roxas City airport.
Mahibaluan nga mismo si Capiz governor Esteban Evan ‘Nonoy’ Contreras ang nagpanikasog nga mapapauli ang nasambit nga mga indibidwal.
Mismo ang gobyerno-probinsiyal ang naghikot sang rapid test, travel authority kag plane ticket kag ginhatagan man sang tag-P2,000 ang mga nagpalauli nga mga LSI’s.
Ang nasambit nga mga LSI’s ang ginpangsugat sang mga katapo sang magkatuhay nga mga Municipal Disaster Risk Reduction and Management Office (MDRRMO) sa mga kabanwahanan kag ginpangdul-ong sa designated quarantine facility sang ila tagsa ka mga local government unit (LGU’s) para sa quarantine-facility samtang ang iban naman ang igapaidalom sa strict-home quarantine.
