129 ka Public Schools sa Western Visayas, nag-shift sa Alternative Learning bangud sa malain nga Panahon sang naglinigad nga mga inadlaw

Naglab-ot sa 129 ka pampubliko nga eskwelahan sa Western Visayas ang nag-shift sa alternative delivery modes of learning bangud sa malain nga panahon sang Lunes.

Sa interview sang Bombo Radyo kay Hernani Escular Jr., spokesperson sang DepEd region VI, iya ginpahayag nga may mga eskwelahan nga nagsuspende sang in-person classes bangud sa indi maayo nga weather conditions.

Apang suno sa natungdan nga ang pag-shift sa alternative learning indi makaapekto sa number of days sang klase, bangod padayon gihapon ang paghatag sang mga leksyon sa mga estudyante.

Pinaagi sa alternative learning, makapadayon ang mga estudyante sa ila pagtuon samtang ginakonsiderar ang ila seguridad bangod sa malain nga panahon.