Ginkumpirmar sang Department of Foreign Affairs (DFA) nga nakabalik na sa Pilipinas ang 13 ka Pilipina nga ulamid sa surrogacy scheme kun sa diin napamatbatan kag nahunong ang mga ini sa Cambodia bangud sa paglapas sa layi sang Cambodia nga Human Trafficking.
Matandaan nga nahunong sang September 23 ang 13 Pilipina samtang ginaproseso ang ila kaso nga may kinaangtanan sa paglapas sa 2008 Law of the Suppression of Human Trafficking and Sexual Exploitation sa Cambodia bangud sa ginakabig nga felony ang paglapas nila sa ban sa surrogacy.
Ang mga napamatbatan nga Pinay ang ginpatawan sang apat ka tuig nga pagkakulong apang nabuhinan ini sang duha ka tuig bangud na man sa pagpakig-angut sang embahada sang Pilipinas sa pagsunod sa layi sang Cambodia.
Ginpromesa sang gobyerno sang Pilipinas nga padayon ang paghayag sang bulig legal para sa mga napamatbatan nga Pinay.
Rason nga dako ang pagpasalamat sang gobyerno sang Pilipinas kaupod sang DFA, kag sang embahada sang Pilipinas sa Phnom Penh, Cambodia.
Nahatagan sang Royal Pardon gikan sa Cambodian king nga si Norodom Sihamoni sang December 26, ang 13 Pinay nga napamatbatan sa Cambodia.
Base ini sa ginhinyo sang embahada sang Pilipinas kalakip ang endorsement gikan sa Royal Government of Cambodia, ang nahatagan sang royal decree sa paghilway sa 13 Pinay ka gang gilayon man sini nga pagbalik sa Pilipinas.
Ginpasalamatan sang gobyerno sang Pilipinas ang Royal Government sang Cambodia para sa humanitarian treatment sa 13 Pinay samtang ginaimbestigahan ang mga ini tubtob sa luwas nga makabalik ang mga ini sa Pilipinas.
Nagpaandam naman ang DFA sa mga Pilipino nga ang surrogacy ang hugot nga ginadumilian sa pungsod Cambodia.
