-- ADVERTISEMENT --
ROXAS CITY – Nadugangan sang 14,107 ka mga bag-o nga botante ang probinsya sang Capiz, sa pag-resume sang voters registration sumugod sang Disyembre 12, 2022 tubtob Enero 31, 2023.
Ini ang sandig sa datos nagikan sa Commission on Elections (COMELEC) Capiz.
Sa nasambit nga numero, 5,959 diri ang bag-o nga mga botante sa Sangguniang Kabataan (SK) election nagaedad 15 tubtob 17 anyos, samtang 8,149 naman ang nagparehistro sa regular voters.
Mas madamo naman ang kababainhan nga bag-o nga mga botante nga may numero 7,108, ikumparar sa mga kalalakinhan nga may yara sang 6,999.
Matandaan nga wala na sang ginhatag nga extension ang COMELEC sa pag-resume sang voters registration para sa Barangay kag SK Elections nga patigayunon sa Oktubre 2023.
-- ADVERTISEMENT --
