14 ka mga indibidwal, patay sa malapnagon nga pagbaha sa Bali, Indonesia

Naglab-ot na sa 14 ka mga indibidwal ang napatay sa malapnagon nga pagbaha sa Bali, Indonesia.

Ginatawag ini sang mga opisyal didto nga pinakamalain nga pagbaha nga ila nakita sa sulod sang mga dekada.

Halin sang Martes, gin-evacuate na ang mga residente bangud sa wala untat nga pag-ulan.

Pila ka mga mayor nga dalanon ang ginsirado bangud sang landslide nga naghalit man sa duha ka mga taytay.

Samtang, nagpalab-ot naman sang simpatiya si Presidente Prabowo Subianto sa mga biktima kag nagpasalig sang bulig sang gobyerno.