Indi magnubo sa 14 ka-tawo ang napatay kag 124 pa ang nagkaladula matapos nga naguba ang isa ka dekada na nga lake barrier sa Hualien County, Taiwan sang Martes, Setyembre 23 tuga sang tuman nga pag-ulan dala sang Super Typhoon Ragasa (anay Nando), suno sa lokal nga gobyerno.
Base sa panaysayon sang mga nakaluwas sa insidente halos sakupon sang lapok nga nagdulhay sa ila nga mga puluy-an kun sa diin naguba man ang isa ka tulay sa nasambit nga lugar kabangdandanan nga madalasa ang pila nka bahin sang isa ka banwa sa Kuang Fu Township.
Ginkumpirma man ni Lee Kuan-ting, spokesperson sang Hualien County Government, nga 18 ang pilason, samtang nagapadayon ang search and rescue operations.
Sandig naman sa National Fire Agency sang pungsod, naglab-ot na sa 7,600 ka-tawo ang na-evacuate sa bug-os nga Taiwan bangud sa bagyo.
Kaangot sini, nagpaguwa man sang mga video ang mga awtoridad nga nagapakita sang mga pagbaha sa pila ka mga karsada, paglubog sang mga sasakyan, kag mga nalukad nga puno sang kahoy.
