ROXAS CITY, CAPIZ – Naglab-ot sa 141 ka mga improvised cannon ukon boga ang nakumpiskar sang Capiz Police Provincial Office sa bilog nga probinsya sang Capiz.
Sa interview sang Bombo Radyo kay Capiz PPO Public Information Officer PCAPT Merry Chris M. Dela Cruz, halos tanan nga mga kabanwahan sa probinsya ang nagsungka sang ila mga boga sumugod sang Paskwa tubtob subong nga adlaw Disyembre 30, 2024.
Suno kay PCAPT Dela Cruz nga ang banwa sang President Roxas ang may pinakamadamo nga narekober sang boga nga may 24 kag pangaduwa amu ang banwa sang Dao nga may duwa nga nakumpiskar.
Sa pihak sini, mas manubo ang insidente sang nalukpan sang boga kun ikumparar sang nagligad nga tuig 2023 nga may yara sang anom ka kaso samtang may ara lamang sang tatlo nga kaso subong nga tuig 2024 nga ginakalakipan sang banwa sang Sapian, Pilar kag Dumarao.
Dugang pa nga nakakumpiskar man ang mga kapulisan sang 180 ka Kwitis/Mother Rockets, 5 boxes sang Pop-pop, 12 ka Judas Belt kag 10 ka Triangle nga mga palupok.
Pahayag pa ni Dela Cruz nga nagadayon ang paglibot sang kapulisan agud nga magkumpiskar sang mga boga kag mga iligal nga palupok naga panghatag sang Torotot sa mga kabataan.
