Gin-athag sang lokal nga gobyerno sang Balayan, Batangas nga indi ang mga ini magpatuman sang lockdown.
Sa pihak ini sang na-detect nga kaso sang mpox sa ila nga banwa, matapos ang pila ka mga pag-test.
Suno kay Balayan Mayor Emmanuel Fronda II, indi dapat maapektuhan ang bilog nga operasyon sa ila nga lugar.
Ang importante suno diri amo ang natumod gilayon ang pasyente nga may mpox kag ang mga indibidwal nga nagka-closed contact diri.
Nahibaluan nga ang kaso sang nasambit nga virus sa Balayan ang pang-14 na nga nabalhag nga kaso sa pungsod kag isa na diri ang12-anyos nga bata nga lalaki.
Wala na suno diri gintumod ang identity sang biktima agud indi na ini mangin biktima sang bullying ukon harassment.
Nagapati naman si Mayor Fronda nga ginahimo sang local health officials ang responsibilidad sang mga ini agud malikawan ang paglapta sang balatian sa iban pa nga mga pumuluyo sa nasambit nga lugar.
