Nagdangat na sa 15 ang nagpositibo sa COVID-19 sa Borda Urban sa Barangay Mongpong, sining syudad.
Nauna nga ginpaidalum sa Block lockdown sang nagligad nga Miyerkules ang nasambit nga sitio matapos nga nadugangan ang kaso sang COVID-19.
Ginpahayag ni Cora Alvarez, BHERTS President sang Barangay Mongpong nga apektado sa lockdown ang kapin sa 50 ka pamilya ukon households.
Hugot nga monitoring kag pagbantay ang ginahimo sa mga residente nga nalakip sa block lockdown agud masiguro nga indi sila makaguha sa ila mga balay.
Nahibaluan nga nagabantay kun aga sa lugar ang mga BHWs kag mga opisyales sa ila barangay kag sa gab-I magka=upod ang mga tanod kag pulis agud mapabilin ang seguridad.
Samtang nagsugod na sa paghatag sang ayuda ang gobyerno sa mga apektado nga pamilya agud masiguro nga may yara sila sang makaon sa sulod sang 14 diyas.
Nahibaluan nga nagsugod ang paglock down sa Borda Urban sa Barangay Mongpong sang Mayo 12 kag magatakup ini sa Mayo 26.
