ROXAS CITY – Arestado ang isa 17-anyos nga lalaki kag ginakabig wanted person matapos ginserbehan sang mandamiento de aresto sang katapo sang Pontevedra MPS sa Barangay Bailan banwa sang Pontevedra.
Ang nasambit nga akusado ang residente man sang nasambit nga barangay.
Kaso nga paglapas sa Section 28A of R.A 10591 ukon Law on Firearms and Ammunitions kag Omnibus Election Code of the Philippines, R.A 7166 ukon Violation of Gun Ban ang ginapangatubang sang akusado.
Ang warrant of arrest ang ang ginpapanaog kag gin-isyu ni Hon. Faustino Valenzuela Roxas Jr., acting presiding jugde, RTC 6th judicial region, branch 14, Roxas City, Capiz napetsahan Hunyo 14, 2022.
Ginrekomendar sang korte ang P200,000 nga piyansa para sa temporaryo nga kahilwayan sini.
Sa karon, yara sa kustodiya sang Pontevedra MPS ang akusado para sa nagakaigo nga disposisyon.
