Patay ang 17-anyos nga lalaki matapos nga bumunggo sa bato samtang nagamaneho sang iya motorsiklo sa Sitio Crossing, Barangay Tanza Norte, Panay, Capiz.
Ang biktima amo si alyas “Christian,” 17-anyos kag residente sang Barangay Jaena Norte, Jamindan, Capiz.
Sa interview sang Bombo Radyo Roxas kay Police Captain Ronald Ton-ogan, Hepe sang Panay Municipal Police Station, ginpahayag nga mabakal kun tani sang ilimnon ang biktima sa banwa sang Panay sakay sa isa ka Suzuki Smash 115 sang ini ang aksidente nga nagbunggo sa isa ka dako nga bato sa kilid sang karsada.
Gilayon nga gindala ang biktima sa isa ka pribado nga ospital apang gin deklara ini nga dead on arrival sang attending physician.
Sa karon, yara na ang bangkay sang biktima sa isa ka punerarya samtang ginkosdiya naman sa Panay Municipal Police Station ang motorsiklo para sa nagakaigo nga disposisyon.
