-- ADVERTISEMENT --
ROXAS CITY – Dakup ang isa ka 19-anyos nga soltero matapos ginserbihan sang Warrant of Arrest sang mga kapulisan sang Panay Municipal Police Station sa Barangay Pasugue, Panitan, Capiz.
Ginkilala ang arestado nga si John Paul Albay sang Barangay Buntod banwa sang Panay.
Kaso nga Qualified Theft ang ginapangatubang sang nasambit nga arestado.
Ang warrant of arrest ang gin-isyu kag ginpirmahan ni Hon. Esperanza Isabel E. Poco-Deslate, Presiding Judge, Branch 19, Regional Trial Court, 6th Judicial Region – Hall of Justice, Roxas City sadtong Hunyo 16, 2020 kag may yara sang P40,000 nga piyansa.
Nagapabilin sa karon sa Panay Municipal Police Station ang nasambit nga arestado para sa nagakaigo sini nga disposisyon.
-- ADVERTISEMENT --
