Nagapanawagan si 1st District Board Member Cesar Yap Jr. sa National Government sang fuel subdisy para sa mga mangunguma kag manugpangisda.
Suno kay Yap, indi lang dapat para sa transport sector ang fuel subsidy kundi kinahanglan man nga hatagan ang mga mangunguma kag manugpangisda bangud nagagamit man sila sang gatong.
Dugang pa ni Yap, bangud sa pagsaka sang presyo sang gatong, nagataas man ang iban nga gastuhan pareho sang pumping irrigation kag fertilizer nga nagadugang sa palas-anon nga gasto sang mga mangunguma kag manugpangisda.
Magluwas sini, ginaduso niya man ang paghatag sang fuel vouchers sa mga transport sector, mangunguma, kag manugpangisda para makapahagan-hagan sa nagapadayon nga pagtaas sang presyo sang gatong.
Sa pihak sini, nagpanawagan si Yap sa mga Capizeño nga indi magkabalaka, bangud ang Sangguniang Panlalawigan sang Capiz padayon nga nagapangita sang mga pamaagi agud mabuligan ang mga sektor nga apektado sang pagsaka sang presyo sang produktong petrolyo.
