ROXAS CITY – Arestado ang duha ka ginapatihan mga carnapper matapos na-corner sang mga pulis sa magkatuhay nga lugar sa probinsiya sang Capiz.
Narekober sang mga suspek nga sanday JUanito Sevilla 19-anyos kag 17-anyos nga menor de edad, mga residente sang Barangay Balucuan, Dao, Capiz ang duha ka mga motorsiklo.
Suno kay Police Captain Efren Yu-ing, hepe sang Dao Municipal Police Station nga natigayon ma-korner ang duha sang gintingub nga pwersa sang Highway Patrol Group, Dao kag Sigma PNP.
Nahibaluan nga nadakpan mismo sang kapulisan ang menor de edad nga nagamaneho sang motorsiklo nga gincarnap sa banwa sang Sigma.
Samtang narekober naman sa posesyon ni Sevilla ang tricycle nga ginkawat sini sa Barangay Adlawan kag isa ka motorsiklo nga gincarnap sa banwa sang Dumarao.
Sa karon, nagapabilin sa Dao PNP ang narekober nga mga motorsiklo kag tricycle kag natalana nga igaturn-over sa mga tag-iya.
