ROXAS CITY-Natalana nga pasakaan sang panumbongon nga paglapas sa Republic Act 9165 ukon Comprehensive Dangerous Drugs Act of 2002 ang duha ka drug suspek matapos naaresto sa drug buy bust operation sang gintingub nga pwersa sang Provincial Drug Enforcement Unit (PDEU) kag Pontevedra Municipal Police Station sa Barangay Malag-it, Pontevedra, Capiz.
Ginkilala ang mga arestado nga sanday Joey Felarca, 20 anyos, sang Barangay Duran, Dumalag, Capiz kag Napoleon Bones, 33 anyos, sang Barangay Takas, Pontevedra.
Suno kay Police Supt. Julius Balano sang PDEU, kumpirmado nga nagabaligya sang ilegal nga droga ang mga suspek sa Barangay Malag-it, Pontevedra matapos nabaklan ang mga ini sang droga.
Samtang, narekober sa posesyon sang mga suspek ang 15 tanan ka sachets sang ginapatihan shabu, 800 pesos nga marked money, isa ka unit sang .38 caliber revolver, duha ka mga bala, duha ka unit nga cellphone kag motorsiklo nga ila gingamit sa transaksyon.
