ROXAS CITY – Arestado ang 2 ka drug suspek sa drug buy bust nga ginpatigayon sang Provincial Drug Enforcement Unit (PDEU) sa atubang sang pampubliko nga eskwelahan sa Barangay Sta. Fe, Pilar, Capiz.
Ginkilala ang mga suspek nga sanday Noel Buenafe, drug surrenderee kag Jaymar Nisurtado, 28 anyos, lunsay mga residente sang Barangay Dulangan, Pilar, Capiz.
Sa interview sang Bombo Radyo Roxas kay PDEU Team Leader Police Senior Inspector Hilbert Gervero, ila nahibaluan nga nagaduso sang iligal nga droga sa nasambit nga lugar si Buenafe gani matapos na-monitor kag nakumpirma nga isa ini ka drug pusher, gilayon sila nagpatigayon sang operasyon.
Narecover sa mga drug suspek ang anum ka sachet sang ginapatihan shabu, duha ka cellphones, P1,000 nga marked money kag mga drug paraphernalis.
Natalana nga pasakaan sang panumbungon nga paglapas sa RA 9165 ukon Comprehensive Dangerous Drugs Act of 2002.
