PONTEVEDRA, CAPIZ – Kritikal ang duha ka babaye matapos ginbuno kag ginlabo sang 14-anyos nga solterito nga tuyo magkawat sa sulod sang balay sa Sitio Santa Ana, Barangay Binuntucan, Pontevedra, Capiz.
Ginkilala ang mga biktima nga sanday Helen Opina, 50-anyos kag Analyn Quintos, 42-anyos nga lunsay residente sang nasambit nga lugar.
Suno kay alyas Inday nga duguon sang nagpangayo sang bulig si Analyn bangud ginbuno kag ginlabo sang suspek si Helen.
Wala na nagpangduha-duha si alyas Inday kag gilayon nga ginpadulongan ang balay ni Helen kag diri naabtan nga duguon ang biktima kag nakita ang suspek nga may dala nga espading kag gunting nga possible gingamit sini sa pagpangbuno kag panglabo.
Sa karon padayon nga ginapangita sang mga otoridad ang suspek nga si Alyas Jordan bangud madasig nga nagpanago sa katubuhan matapos ang insidente.
Samtang, nagaapelar karon ang lola sang suspek sa iya apo nga mag-surrender na sa otoridad kag atubangun ang ginhimu nga pagpangbuno kag pagpanglabo sa mga biktima.
