2 ka balay nasunog sa banwa sang Dumarao

ROXAS CITY – Totally burned ang isa ka puluy-an samtang partially burned naman ang isa matapos ang nagluntad nga sunog, subong gid lamang nga aga sa Barangay Tinaytayan, Dumarao, Capiz.

Ginkilala ang tag-iya sang panimalay kay Nona Carlete kag Jose Chiva.

Sa inisyal nga impormasyon nga nakuha sang Bombo Radyo, ginapahayag naghalin ang kalayo sa puluy-an ni Carlete kun sa diin ginatan-aw nga rason sang sunog amu ang napabay-an nga ininit nga tubig.

Bangud human sa light materials ang nasambit nga balay, madasig nga naglapta ang kalayo tubtob nga naulamid ang balay ni Chiva.

Sa karon, padayon ang imbestigasyon sang BFP-Dumarao angut sa insidente.