May paghulag na sa presyo na sa presyo sang baboy sa Teodoro Arcenas Trade Center bangud man sang nagapadayon nga pagtaas sang presyo sang gatong.
Sa interview sang Bombo Radyo kay Boyet Palangre, isa ka meat vendor sa Teodoro Arcenas Trade Center, iya ginpahayag nga nagpataas sila sang presyo bangud man sa pagtaas sang presyo man sang ila nga supplier.
(MEAT SECTION)
Suno kay Palangre, ang presyo sang karne sang baboy sa iya nga pwesto amo ang masunod:
*Liempo- P320 kada kilo
*Pork Chop – P320 kada kilo
*Kasim – P320 kada kilo
*Tiil sang baboy – P280 per kilo
*Atay sang baboy – P280 per kilo
*kasudlan sang baboy- P120 kada kilo
*kasudlan sang baboy (SPECIAL) – P170-P180 kada kilo
Pahayag pa niya, indi lang man presyo sang karne sang baboy ang nagsaka kundi pati man ang pila ka mga nagapanguna nga balaklon bangud man sang padayon nga pagtaas sang presyo sang gatong.
Nagalaum man ang natungdan nga mauntat na ang kinagamo sa Middle East agud mapahagan-hagan na ang presyo sang gatong nga tuman gid ang epekto sa mga kaangay nya nga negosyante ilabi na sa ila pang-adlaw adlaw nga kita.
