2 ka balay nasunog sa banwa sang Maayon

ROXAS CITY – Totally burned ang duha ka puluy-an matapos ang nagluntad nga sunog sa Sitio Proper, Barangay Canapian, Maayon, Capiz.

Ang mga balay ang ginapanag-iyahan nanday Loreta Arceño, 78-anyos kag Loreto Talabador, 38-anyos.

Sa nakuha nga impormasyon sang Bombo Radyo, natabo ang sunog samtang nagakatulog ang mga biktima sa diin ginaalegar naghalin ang kalayo sa kusina nanday Arceño.

Bangud lunsay human sa light materials ang amu nga balay madasig nga naglapta ang kalayo.

Wala naman sang nabalhag nga napilasan bangud sa insidente.