MANILA, Philippines – Ginpamatud-an nga guilty sang sandiganbayan ang duha ka anay opisyal sang Department of Public Works and Highways (DPWH), bangod sa maanomalyang Right-of-Way (ROW), payments sa South Cotabato.
Ginkilala ang guilty sanday si Tomas Rodriguez sa duha ka counts sang graft kag siyam ka counts sang falsification sang public documents.
Samtang si David Padlan naman ginpamatud-an man nga sala sa duha ka counts sang graft kag apat ka counts sang falsification.
Gin-sentensyahan ang duha sang tubtob 10 ka tuig nga prisuhan kada count sang graft kag walo ka tuig kada count sang falsification, kalakip ang diskwalipikasyon sa pagserbisyo publiko.
Suno sa korte, ang ila ginbuhat halin 2007 tubtob 2015 nagresulta sang dako nga pinsala sa gobyerno bangod sa peke nga pagpakita nga nabayaran na ang mga ROW claims.
