ROXAS CITY – Nahilway na sa karsel sang Roxas City Police Station ang duha ka mga gumangkon nga suspek nga nagbuno sa ila tiyo sa Sitio Pinaypayan, Barangay Lanot, Roxas City.
Ini matapos nga nagsumiter sang Affidavit of Desistance ang mga suspek nga sanday Williamson Alatiit kag Wildam Alatiit sang amo man nga lugar.
Matandaan nga nag-angkon sang pilas sa lawas si Edgar Alatiit matapos nga ginpulihan ini buno sang mga suspek.
Sa interview sang Bombo Radyo sa anak sang biktima nga si Aicel Alatiit ginaalegar sini nga tuyo kuntani sang biktima nga magpakig-istorya sa natabo nga kinagamo sa tunga sang iya utod kag mga suspek nga sanday Williamson Alatiit kag Wildam Alatiit.
Apang, wala ginalaoman nga hinali na lamang nga nagabot sang kutsilyo ang mga suspek kag ginbuno ang iya amay.
Nag-angkon naman sang pilas sa abaga, nawong kag kamot ang biktima nga gilayon naman gindala sa isa ka pribado nga ospital.
Wala na nakabato ang biktima bangud ginapahayag ginpulihan na ini sang mga suspek.
Daan nga hiligut-anon naman ang ginalantaw nga rason sa pagbuno sang mga suspek sa biktima.
