Pilas sa magktuhay nga parte sang lawas ang naangkon sang duha ka indibidwal, matapos ginapahayag ginbuno kag ginlabo sa Barangay Bolo, Roxas City.
Ginkilala ang mga biktima sanday alyas Berto 50-anyos nga residente sang Brgy Lawaan kag alyas Rommel 33 -anyos nga residente naman sang amu nga banwa.
Samtang ang ginatudlo nga suspek Ginkilala kay alyas Harold 24 anyos kag residente sang Brgy. Canapian,Maayon Capiz
Sa nakuha nga impormasyon sang Bombo Radyo sa Roxas City Police Station, ginapahayag nga samtang nagapungko kag may gina-obra ang mga biktima sa magkatuhay nga lugar hinali na lamang nga ginpangbuno kag ginlabo ang mga ini sang suspek.
Nag-angkon sang pilas sa abaga ang 50-anyos nga biktima samtang pilas naman sa wala nga bahin sang li-og ang naangkon sang 33-anyos nga biktima.
Gilayon man nga ginpadangat ang mga ini sa ospital para sa nagakaigo nga pagbulong.
Gina alegar nga may ginasuprehir nga depresyon ang suspetsado.
Sa karon, yara na sa paghinakop sang Roxas City PNP ang nasambit persona para sa nagakaigo nga disposisyon.
