Napasakaan na sang nagakaigo nga kaso ang duwa ka lalaki nga ginakabig nga street level individual (SLI) nga nadakpan sa ginkasa nga drug buy bust operation sa Sitio Ilo, Brgy Poblacion Proper, Mambusao, Capiz.
Matandaan nga ginkilala ang nadakpan kay alyas “John”, 32-anyos kag alyas Vincent 40-anyos nga lunsay mga residente sang banwa sang Mambusao.
Ginpahayag nga madugay na nga gina-monitor sang otoridad si alyas John kag sang ulihi natigayon ini nga madakpan sa buybust operation pinaagi sa isa ka pulis nga nagpakuno-kuno nga puseur buyer.
Narekober sa mga arestado ang tatlo (3) tanan ka sachet sang ginapatihan shabu nga may kabug-aton nga walo (8) ka gramo nga may standard drug price nga P54,400 kag P2,500 nga buybust money.
Kaso nga paglapas sa RA 9165 ukon Comprehensive Dangerous Drugs Act of 2002 ang paga-atubangon sang nasambit nga mga nadakpan.
Sa karon, nagapabilin ang mga ini sa kustodiya sang Mambusao PNP para sa nagakaigo nga disposisyon.
