ROXAS CITY – Nakahunong na sa karsel sang Roxas City PNP ang duha ka mga drug suspek nga nadakpan sa ginpatigayon nga drug buy bust operation sang Philippine Drug Enforcement Agency (PDEA) Capiz kag Station Drug Enforcement Team (SDET) sa Arnaldo Boulevard, sining syudad kaina sang aga.
Kalakip sa mga nadakpan sa operasyon sanday Andrew Patiño sang Barangay 4, Roxas City kag Ramon Treyes sang Talisay, Negros Occidental.
Narekober sang kapulisan sa mga suspek ang lima ka sachet sang ginapatihan shabu nga nagabug-at sang tatlo ka gramu kag may market value nga P20mil 400, drug paraphernalia kag notebook sa diin nasulat ang pangalan sang ginapatihan mga kostomer sini sa iligal nga aktibidad.
Ginpahayag ni Police Master Sergeant Ramil Arcangeles sang Roxas City PNP nga isa ka bulan nga ginmonitor ang aktibidad sang duha antes ginpatigayon ang operasyon.
