ROXAS CITY – Patay ang duha ka lalaki matapos nga naghikog sa separado nga lugar sa probinsya sang Capiz sa sulod lamang sang isa ka adlaw.
Una nga naghikog ang 27 anyos nga si Alyas Toto sa sulod sang iya nga kwarto gamit ang nylon rope.
Suno sa iloy ni Toto nga madugay na sini nga nakita nga masubo ang iya nga bata sumugod sang nagbulagay ini sila sang iya nga live in partner duha ka tuig ang nakaligad.
Nahibaluan nga matapos nga nagpauli sa Concepcion Iloilo ang live in partner sang biktima kag wala na in nagbalik, rason nga sumugod sadto daw halos indi na gusto ni Toto nga mabuhi pa.
Apang sa wala ginalauman sang iya iloy nga magapanginmatay ang iya bata kag ginapahanumdum sa iya nga pagtilaw lamang ini kag may rason ang tanan.
Samtang nakabitay naman sa gin-abandonar nga balay sang iya nga lolo ang wala na sang kabuhi nga solterito matapos nga naghikog.
Emosyunal ang iloy sang 13-anyos nga si Alyas Noynoy matapos nahibaluan sini nga nagbitay ang iya bata.
Suno sa ginang nga nagpauli ini sa ila nga balay gikan sa ospital bangud may nabatyagan ini nga lain.
Gilayon sini nga ginpangita si Alyas Noynoy bangud ini lamang ang wala niya makita sang iya nga pag-abot sa ila nga balay.
Apang ginkakibot na lamang sang mag-iloy sang makita nga nakabitay na sa kisame sang abandonado nga balay si Noynoy kag wala na sang kabuhi.
